Thursday, January 19, 2012

Zumtu Kan Ropitzia

Khrih thisen ruangih zumtupawl kan sunlawi zia, kan ropit zia le kan sinak saan zia theih fiang ngah hi lungawinak karhsin tertu a si.

(1) Pathian te (Saam 82:6; John 10:34)
     Kalilee peng Nazareth khawte berek ih ceeng, dai kilkawm ih um nu, Mary kha "Jesuh ih nu" ti ih kawh a hlawhnak kha Pathian zangfahnak liolio a si. Kan nih khal Yehovah Pathian hmin rori in tawm terih "Pathian te" ti ih in kawh hi ziangruang ah a si pei? Khrih thisen thianghlim ih tlen kan si ruangah a si. Sualih pilhlo bepbep zo hnu kha Fapa Jesuh in in rung hawlih a thisen in in tlen. Pathian hmuihmel kengih thuam saal kan si ruangah khawse dawi theinak, dam lo damter theinak, ruul tur nei kaih theinak huham  in pe (Marka 16:17-18)

(2) Pathian hna
ṭuanpi (II Kor.6:1)
     Pathian siahhlawh, Pathian tirhfung....ti hrawng hrang cu a zia um ih Vancung Pathian rori ih hna
ṭuanpi, ti cu a rank a saang taktak. Van mithiang pawl rori hman Bible ah Pathian hnaṭuanpi an si thu kan hmu lo sikhawh kan nih vek men tete Pathian hnaṭuan pi, in ti duh hi Amah rinsan in a hnaṭuan sinsin uh si, a kawhhran hrangah teimak suah sinsin uh si.

(3) Puithiam (Thuphuan 1:6; I Pet.2:9; Thup.5:10)
     Thukam Hlun san ahcun puithiam lawnglawng in serh le sang an tham thei, raithawinak an tuah thei. Asinan Thukam Thar ahcun zumtu hmuahhmuah cu puithiam dinhmun ah khaisan in kan um,,,,Hallelujah. Puithiam hna
ṭuan a simi misual pawl hrangah thlacamnak thawn thawinak kan tuah thei. Tilva silo in. Pathian nung kan be bop thei.

(4) Khrih Palai (II Kor.5:20)
     Thukam Hlun san ahcun vancungmi pawl khi "Pathian palai", ti ih kawh an phu, an hlawh. Khrih thisen zarah tu ahcun "Khrih ih Palai", ti ih kawh kan si baan thei hi a man a va sang lawmmam em! Vancung le leitlun, Pathian le minung kar lak rori ah sokhaw Palai hna kan
ṭuan hi. Zumnak ih kan hnaṭuan mi hmuahhmuah hi vanlam pawlin in pompi, in theihpi ih in nemhnget sak ṭheh a si. Ziangruangahtile an Palai kan si ruangah a si.

(5) Khrih ih rualpi (Joan 15:15)
    Kan Bible sung ahhin zumnak lamih mi huaisen, pa ral
ṭha le nunmawi, nunmak, nun ropi an tam ngaingai. Asinan Pathian in "ka rual" ti ih a kawh mi cu Abraham lawng a si. Asinan tuicaan ahcun Jesuh in,"Sal, tiah ka lo ko nawn lo ding. Sal cun a bawipa ih thuhla zianghman a thei lo. Rualpi, tin ka lo ko ding," in ti. A va sunglawi ve. A rualpi kan si ruangah a thuthup khal nitin theihter in duh. A va sunglawi em!

Unau! Pathian te, Pathian hna
ṭuan pi, Puithiam, Khrih Palai le Khrih ih rualpi na sikha thei in lungawi thu sim aw. Pathian thangṭhat aw.

Evan. S. Than Nei Fai

Tuesday, January 17, 2012

Innsang Pathum Thu

Pathian in leilung tlunah thupi zet le sunglawi zetin innsang hi a din. Ram le miphun, cozah a din hlan ah innsang hi a din hmai sa sawn. Ziangruangahtile Pathian in innsang hi thupi tuk ah a ret tinak a si.
Hmuh theih kan innsang a thupit zia cu
Mifim suahnak innsang.
Mi aa suahnak innsang.
Cathiam suahnak innsang.
Hminthang suahnak innsang.
Nunmawi suahnak innsang.
Innsang kan ti tik ah a khaikhawmtu bik cu nu le pa hi an si. Nu le pa ih nundan i zir in fatepawl an nung ve mai. Kan thu ah kan lut vivo mai kei Bible sungah innsang tampi an um ko nan cupawl lak ah innsang pathum thu hmangin zir kan tum ding.

1. Lot tei innsang (Sem.19:17)
Kan theih zo bangin Lot tei innsang cu hi lei tlunih lennak le nawm sinnak ngaina tu an si.
Pathian thu hnakin taksa thil thupi ih ret sawn an si. Hi ti kan ti tikah taksa thil hi a thupi lo ka tinak a si lo. Taksa thil hi a thupi tuk ko nan Pathian thu hnakin thupi ih ret sawn ding a si lo ka tinak a si. Lot tei innsang cun hi lei thil an hril ruangah a netnakah cun riahsia le ning hang emem in an um. Cuihlei ah Lot cun a nupi tiangin a sun phah.
Kan nih khal Pathian thu hnakih taksa thil thupi ih kan ret a si ah cun Lot tei innsangih an tawn vek hi kan tawn ve ding mi a si ve. Minung kan nun phung a tlangpi in taksa danih kan nawm deuh cun Pathian kan hngilh duh
ṭheu. Curuangah Pathian thu hnakin leitlun thil le taksa danih nawm deuhnak hi hril hlah uh si. A netnak ih kan ṭahnak in thlentu ah an cang thei. Pathian thu hi kan nun ah tum bik the
ihram seh la cucu kan hrangah a
ṭha bik a si. Lot in taksa thil thupi ih a ruah ruangih a hril mi ram cu Pathian in suahsan a fial sal.

2. Noah tei innsang (Sem.6:14;7:13)
Noah hnenah Pathian in lawng tuah aw tiah vawikhat lawng a sim. Cui thu cu lungin Noah cun
lawng a tuah. Hilai san ah ruahpi a sur dah lo. Asinan Noah cun Pathian
ṭawngkam par ah a ṭhumaw ih lawng a tuah. Noah cu thil dang hnakin Pathian ṭawngkam thupi ah a ret. Mi ih hmuhsuam nautatnakpawl a tuar ko nan Pathian thu parih a ṭhumawknak hi a nawmawknak bik a si.
Noah tei innsang bangin kannih khal thil dang hmuahhmuah hnakin Pathian thu ih kan um le
ṭhumawk hi a ṭha bik a si. Taksa, thlarau himnak khal a si. Pathian thu ih um lo innsang zoh tikah tasa danah
cun
ṭhangso hman haiseh nawmawknak ngaingai an nei lo. Khuitawk hmun, khuitawk ram khalah Pathian thu ih um lawng hi nawmnak bik umsun a si. Hi tin thu lo sut seh la.

Nan sungin vanram nan tleng kim kem? Ngunthluk zetin na innsang zohsal hnik aw? Siatnak rapthlak thleng seh la Noah tei innsang bangin nan innsang nan him kem? Nan sungza thlarau lam nun zoh sal hnik aw? Noah tei innsang cu misenpi tilik ih an thih thluh laiah an sung kim ten lawng sungah an um, an him. Pathian thu vekih a um tu innsang si uh si.

3.Joshua tei innsang (Jos.24:15)

Joshua cun kei le ka innsang cun Bawipa lawng kan rian ding tiah mipi a sim mai. Hi tawkih kan hmuh feng mi cu Joshua tei innsang cun Bawipai hna an
ṭuan hi a si. Thil dang miangmo hnakih ka dawt bik mi cu sungza tei Pathian hnaṭuan hi a si. Laimipawl in ruahnak ṭha lo kan neih mi cu innsang pakhat ah cun a sual um kel ti hi. Pathian thu ah cu vek a um thei lo. Kan sungzaten Pathian hnaṭuantu ah kan cang thei thluh a si. Kan ṭuan thei dan lawngte a bang aw lo men ding na.

Kan innsang tin in Bawipai hna
ṭuan hi hril cio uh si. Kan harsat hmanah a nuam bik ko e. Kei la ka innsang cun Bawipai hna lawng a si kan ṭuan ding ti hi kan innsang tin auhla sihram seh.

Evan Lal Eng Lian

Thursday, January 12, 2012

John 3: 16

“Ziangahtile Pathian in leilung mipawl a duhdawt dan cu hi ti hin a si, a fapa neihsun a pe. Cutin fapa a zumtu zokhal an siathlorallo dingih kumkhawnunnak an nei sawn ding”.



Hi tawk bung,cang sungah mi pathum kan hmu. Cucu a tawinak in kanzoh tlang vivo ding.

1.       Pathian

Kan Pathian cu ziangkimtithei, khuihmun khal ih um,ziangkim thei,ziangkim tlunih thu nei tu, a si hleiah Thianghlim famkim a si. (Pui.11:44-45; 1Pet.1:15-16) Kan rel uar ding mi cu Pathian ih a thianhlimnak thu a si. Kan Pathian ih thianhlim zia cu huatui hrang khal ih mawthluk theih lo tiangin a thianghlim. A
ṭhatlonak zo hmanih hmuh le theih a si lo. Huatu in sual cu an puh thei nan, sual a nei lo.

2.      Minung thu

Minung cu Pathian sersiam mi, sual ih tlusia, bawrhhlawh kan si. (Job.25:4-6; Isai.1:6;64:6) Minungpawl cu Pathian ih sersiam mi kan si ko nan thu lun lonak ruangah sual ih tlu kan si. Sual ih a tlu se zo mi minung cu Pathian hmai le mithmuh ah bawrhhlawh kan si.

3.      Jesu Khrih
Jesu Khrih hi minungpawl hnenih Pathian laksawng in pek mi a si. Laksawng rengreng cu petui hnen in a suak ko nan cotu ding in a lak lo ah cun pek lo thawi bangaw a si. Ziangruangah Pathian in Jesu hi laksawngah in pe a si pei? A san cu vankainak dingih a
ṭul mi in tuah sak tu dingah in pe a si. Minung ṭawng siava kan hman a si ah cun hnen um siahhlawh tinak a si.( Mk.10:45; Fil.2:6.7) Jesu cun sual zianghman a nei lo.(2Kor.5:21; 1 Pet.2:22; 1 John.3:5) Kan ṭuan thei lo mi van kainak ih thil ṭul mi in tuah sak.(John.17:4; 19:30)

Hi thu ah rel bet ka duh mi cu Pathian in minung in duhdawtnak hi a si. Ziangruangah in duhdawt a si pei ti in thu sut aw hnik aw. Na khawm paih tuk ruangah a si kei maw? Thilpek na sian tuk ruangah a si kei maw? Thlacam na taimak tuk ruangah teh a si kei maw? Cuvek ruangah in duhdawt a si ti rel ding nei kan um lo ding. Pathian in ruangah si lo in in duhdawt rori a si mai. Cun kan theih leh ding mi cu minung sual ih a tluksiat hnu ih Eden ih si dawi kan si hnu khalah Pathian ih in duhdawtnak a cak verver lo, a cem thluh lo hi kan theih fel a
ṭul. Hi hi kan vanṭhatnak maksak cu a si.

Jesu in vankainak ding in tuahsak

Jesu in van kan kai in duhsak tuk ruangah hi tin in tuahsak.(1Kor.1:30) Khrih ah in umter. Jesu in in tuam. Khrih cun sualnak a nei lo. Sual nei lo Jesu ih in tuam cun Pathian in kan sualnakpawl in hmuhsak nawn lo. Cu cun Pathian hmaiah mi thianghlim, vankai tlak ah kan cang. In tuamtu Jesu Khrih zar ah a si. Hi thu hi vankainak ding hrangih a thupi tuk mi a si. Kan mai zuamnak lawngin vankai ding ko ih thianghlim in kan tuah aw thei lo. A sinan Khrih ih tuam kan si cun ziangtik lai khal ah Pathian hmuhnak ah mi thianghlim kan si ringring.

Hi thu hi na zum a
ṭul
Jesu in van ka kainak dingih a
ṭulmi i tuahsak ti cu na zum a ṭul.(Rom.10:17) Zumnak cu hna ih theihnak in a ra a ti. Theih ta lo mi thil ah zumnak a um thei lo. Zum hmang lawng a um thei. Zum hmangin zo
hman van kai a theih lo. Zumnak lawngin van kan lut thei. (Efe.1:13) Rundam thu kan thei,Cuihnuah kan zum, cuihnuah Thlarau Thianghlim kan sungah a um. Vaikainak dingih zumnak kan ti mi ah cun hna
ṭuan a tel lo. Theih mi thu zum,amen ti mai a si. Zumter tu a um ding hngak aw hlah zumding thu na thei mi zum mai dingin Jesu in a ṭuan fel thluh. Zum mai aw. Pathian in thlawsuahnak lo pe hram seh.

Evan Lal Eng Lian

Wednesday, January 11, 2012

Ziang In Peter Kel A Awhter Sal?

Cule Bawipa in " Simon,Simon,,Ngaihnik,Setan in sangvut thlei vekih lo thlei dingin nangmah lo neih a rak duh a si. Asinan ,na zumnak a hloh{fail}lo nak dingah thla ka lo camsak a si. Cule ka hnen lamih na hawikirsal leh tikah na unaupawl hngetter aw" ti ah ati.{Lk.22:31-32}. Kan theih zo vek in Peter in Zisu a phatsan  ih a mualpho. Zisu khal thluntum nawn lo in "Kei cu Nga kai ah ka feh ding"{John.21:3} a ti ih ahlan ih a hnaṭuan kel ah a kirsal asi. Unau nangteh a liamzo mi kum ah khan Pathian lakah na nun ziangvek in na hmang? 2011 kum sung Pathian lakih na nun dan ah na lung a kim maw? Or na thluksiat kum ha asi?Tufang na nun ah teh thlarau lam ah na cak maw? lole sual hliamhma tuar in na rum rero maw? Bible in " Na kirsal le na kel ka lo awh ter sal ding "{Jer.15:19} in ti a si. Zumtui hrangah cun hlawhsamnak hi kan tawpnak ding a rak si lo. Peter khal Jerusalem ah mualpho tak in Zisu a phatsan nan penticost ni ah cun a mualphonak hmun Jerusalem ah Bawipa'n nasa zet in a hmangsal a si kha.  ASile 

ZIANG IN PETER KEL A AWH TER SAL?

1. Asungih nunthar ziaza um mi in.{2Pet. 1:4,1Joh.3:9}
 Zumtu cu kan pianthar veten kan sungah vanlam mize thar{ Pathian nunzia}a um a si. Curuangah sual va tuah
ṭheu hman nungla sualsungah nuam maw thei nawn lo mi mizia kan nei a si.Pathian fa a si mi cu sual a va tuahpang or Bawipa a phatsan pang hman ah a sunglam nun in Bawipa a hlam ringring ih sualsung ah a nuam aw thei nawn lo a si.Cui mizia thar cun Bawipa ah in kir ter sal ṭheu a si.

2. Zisu'i thlacamnak in{Lk.22:31-32}.
Zisu in Peter hnen ah "...na zumnak a hlohlo nak dingah thla ka lo camsak ..."{Lk.22:32} a ti a si. Aw...kan sual ngaidam a sinak ding lawngah si lo in kan tluksiat lo nak dingah Zisu'n thla in camsak ringring a si.Unau na tha a nau in na bei a dong maw? Na nun a cau maw? Zisu'i na hrang le ka hrangah tutiang in thla in camsak a si.{Heb.4:14-16,7:25}. Peter hrangah a tluk hlohral lo nak dingah Zisu'n thla a camsak vek in na hrang le ka hrangkhal ah in camsak a si.


3. Arcang khuang in{Matt. 26:69-75}.
 Peter cu Arcang khuang in a nun a
ṭhangharhsal in a ṭap thluahthlo a si. Pathian in zinpeng kan zawh can le amah kan phatsan can ah zo zo si maw hmang in ,,,thilcang mi hmang in kiangkap um mi hmang ih in ṭhangharh ṭheu hi kan va van nei em.Pathian duhlo zawng na tuahcan ih lo hmutu le nun lo sim tu na neih a si le na lungawi aw. Bawipa in Ar a khuan ter ṭheu hi aw a va sunglawi em. Maw... Arcang Zumtu ṭhangharh dingah khuang ringring aw.
 4. Zisu'i seherhnak tongkam in{Mk.16:6-7}
Zisu a thawhsal ni ah Peter cu nga kai ding in a rak feh zo. Vancungmi pawl in thlan ih feh nunau pawl hnen ah .."Hinah a um nawnlo a thosal zo...va feh uhla , a dungthluntu pawl Leh Peter hnen ah ....sim uh."{Mk.16:6-7} ti ah an ti. Hi tawk ah "..a dungthluntu timi ah Peter a tel zo ko nan ziangahsaw a hleice in ...a dungthluntu Leh {and} Peter...a tinak a si ke. Phatsantu Peter kha Zisu'n a hleice in a mai hming rori a ko sal. Peter cun Zisu in  ngaithiam paih nawnlo dingah a ruat aw pang kei amah rori kha va sim uh nan hmaiah Galilee ah ka rak feh ding ti kha a sim duh mi a si.  Unau Pathian hrangih can ziangmawzat rak hmang aw zo tu tu ah na dungtolh ruangah Bawipa'n lo ngaidam thei nawnlo ding vek ih ruat aw mi kan um pang maw ...Bawipa'n na hmin rorin a lo ko ve sal a si. Zisu'i in seherh tuk a si. Zisu'i seherh nak nun hi kan hrangih thazang a si ee.Jermiah khal in "ka tha a nau cuahco a sinan hihi ka hun theisal tihlohral ih kan um lo hi Bawipa'i zangfahnak a si.."{Tahhla.3:21-23}.Uanu Bawipa'i
ṭhatnak vun ruatsal aw.

 5. Zisu rorin a umnak ah a va pan{John.21:1-14}.
 Zisu in Peter a mah phatsan rero tu kha a thawhsal hnu ah amah rorin a va pan ih a dungthlun theisal dingin a tawlrel sal a si kha. Unau na thanau lai le na beidong lai sual hliamhma na tuar lai ah Zisu na kiangah a um a si. Voikhat rundam ding men lawngih in duhtu a silo, a dungthlun thei ding tiangih in tawlrel sal
ṭheu tu khal Amah a si. Amen
.
Siartu zate Bawipa'n malza in sawm seh.
Saya Ceu te

ZIANGRUANGAH JESUH LEITLUN AH A RUNG TUM?

Preached on 21, Dec, 2016                   By Rev. Henry vl Hmangaih Tu zan ah kan lak ih pakhat khat hi interview lo tuah sehla zia...