Satan Hnaṭuan

Zumtu nun ziiktluak , hlawhtling le tlamtling nei thei dingah a thupi zet mi cu kan ralpa setan ih hnaṭuan dan theih feng hi a si.  A hnaṭuan dan le cangvaih dank an theihfeng lo ah cun dodan le kilfenawk dank an thiam lo ding. Cutiasiruangah, hitawkah, Zumtu le zumlotupawl hnenih Satan hnaṭuan mallai kan zoh tlang pei.

Kan Bawipa Zisu in, "Mifiir{Setan}cu fir ding le that ding le siatsuah ding lawngah a ra keicu nun an neih ih nuntampi an neihnak dingah ka ra" tiah ati.{John.10:10}.Setan cun "can malte lawng ka nei ti a theih ih ruangah nan lakah thinheng emem in a ra" tiah a ti fawn.{Thup.12:12}.Setan hi a sun a zan ih mi siatsuah ding ih hnaṭuan ringring tu a si.
A . Zumlo tu pawl hnen ih a hnaṭuan: 

• Pathian thutak tleunak hmu theilo ding in an thinlung mit a cawt ter{2Kor.4:4}.

• Rundamnak an co theilo nak dingah an thinlung ih Pathian thu a laksak{Lk.8:12}.

• An sunglam ah ruahnak ṭhalo a pe ṭheu{John.13:26-29}.

• An ruahnak thinlung ti buai in an taksa tiangkhal a tibuai ṭheu{Mk.5}.

• Zirhnak sual hmang in a hruaikawi ṭheu{1Tim.4:1}.

• Piantharnak taktak aiah sakhaw ṭhatnak men{alem}in abum hai{Matt.13:39}.

B.Zumtu pawl hnen ih a hnaṭuan:

• Tluse ding in a thlem ringring{1Pet.5:8,Lk.22:31}.

• Kan duhmi le ṭulmi hmang in mi thlemthluk a tum ringring{Matt.4:1-11}.

• Thinharnak le beidongnak hmang ih mi nekcep{depress}a tum ringring{2Kor.2:11}.

• Pathian hmai ih kan din canah thlemthluk in tum ringring{Zak.3:1-3}.

• Thuthang ṭha kan simnak ah boruak a ti rit in mi a dodal ringring{1Thes.2:18}.

• Thinlung sungah cakhiarnak ṭhalo le duhnak bawrhhlawh in neih ter{1Sansiarnak.21:1,Dungtlun.5:1-5}.

• Zumtu nun ti bawrhhlawh a tum ringring{2Kor.11:2}.

Kan Bible in Setan ih hnaṭuan lawng in sim lo ih a do neh dan ding khal in sim cih a si. Asilen ,ziangtin Setan cu kan do neh ding.....?

• Kross parah zisu'n a nehcia zo ti kan theih feng a ṭul {Kol.2:15,Heb.2:14-15}.

• Setan hnak ih cak sawn Zisu kan sungah a um ti kan theih ringring aṭul{1John.2:14.4:4,Gal.2:20}.

• Setan thlemnak kan toncan ah Zisu in thla in cam sak ringring tile bawm ding in in naih ringring ti kan theih a ṭul{Lk.22:31-32,Heb.2:18,4:14-16}.

• Pathian thusung ih kan um ih thlacamnak thawi kan do phawt ah cun kan donah thei a si ti kan theih a ṭul{Matt.4:1-11,Jam.4:7,Matt.26:41}.

• Pathian ralthuam famkim thawi do ah cun neh theih a si zia kan theihfeng a ṭul{Eph.6:10-18}.

• Setan hi hmuhsuam ding men cu asilo,asinan "ṭih" ding cu a si fawnlo. ziangah tile Pathian thawi fehtlang tu hrangah cun kehnuai ih pal beh thei{neh thei}mi asi ko{Rom.16:20}.

• Setan hi kan nunah hmunkian ding kan silo,Setan ih thlemnak ton hi sual a si hrihlo ih a thlemnak sung ih luhhi sual a si{Matt.4,Eph.4:26-27}.

Siartu zate Setan doneh tu si dingah Pathian in mal lo sawm hramseh..

Evan.David Ceu
{Saya Ceute}.