Ṭhasawn (Better)

Kan Bible zoh le zingzawi tikah ṭhasawn timi tampi kan hmu thei. Cupawl lak ihsin Thufim ih in zirhmi kan zoh tlang pei. 

• "Mah le mah thupi zet ih a ruat aw ih eiding nei silo hnak in zohman ih ngaisanlo mi sal neih a ṬHASAWN"{Thuf.12:9}.

• "Bawipa ṭihnak thawi tampi neih cu tam zet nei ih buai celcel hnak in a ṬHASAWN"{Thuf.15:16}.

• "Duhdawtnak um nak hmun ih tidai le annhnah rin cu huatawknak hmun ih Cawsa thau ei hnak in a ṬHASAWN"{Thuf.15:17}.

• "Diklo zet ih tampi ngahhnak in diknak thawi mal te ngah a ṬHASAWN"{Thuf.16:8}.

• ""Sui hnak in fimnak neih hi a ṬHASAWN"{Thuf.16:16}.

• "Mi puarthau pawl thawi ral thillak mi zemawk hnak in

     mi farah pawl thawi tangdor tei um a ṬHASAWN"{Thuf.16:19}.

• "Mi thinlung nem cu micak hnak in a ṬHASAWN ih mai thinlung neh theitu si cu ramlatu hnak in a ṬHASAWN"{Thuf.16:32}.

• "Tawhawk rero nak puaihmun ih um hnak in rem aw zet te ih rawlṭhing barkhat ei khal a ṬHASAWN"{Thuf.17:1}.

• "Mi aa a aat lai ton hnakin savawm a fano laaksak a duhum sawn"{Thuf.17:12}.

• "Mi aa ṭongkam se zet aa zet si hnak in mi farah thinlung ṭhazet nei a ṬHASAWN"{Thuf.19:1}.

• "Nunau mi tawhhmang zet thawi inn kau zet ih um hnak in mahte inn kilte ih um a ṬHASAWN"{Thuf.21:9,25:24}.

• "Nunau phunciar hmang zet thawi um hnakin mahte ramcar ih um a ṬHASAWN"{Thuf.21:19}.

• "Paisa tamzet hnak in hminṭhat hi hril sawn ding a si"{Thuf.22:1}.

• "....milak ih tihniam na si hnakin hi tawk Tohkham ah hung to aw ti hi na hrangah a ṬHASAWN"{Thuf.25:7}.

• "Athup aw mi{a langlo mi} duhdawtnak hnak in langhngan ih nun sim awk hman a ṬHASAWN"{Thuf.27:5}.

• "....Lamhla zet ih u le nau hnak in lamnai te ih innhnen a ṬHASAWN"{Thuf.27:10}.

• "Milian um ṭha duhlo hnak in mifarah um dan ṭha tei nung hi a ṬHASAWN"{Thuf.28:6}.

Siartu zate hrangah thlawsuahnak si hramseh.

Evan. David Ceu

{Saya Ceu te}