Bawipa ih Hmanmi Thil Fate

1. Bethlehem (Mikah 5:2)
         Pathian in hna a ṭuan tikah thil ropi pawl hmang loin thil fa tete a hmang hrim ṭheu. Judah ram ah khawtum tampi an um ko nan Jesuh suahnak dingah khawte berek Bethlehem a hril hrim. Ṭong thiam hai sehla cu khawtum pawl an ci-ai nasa ding. Jesuh hi len le fim ruangih neih theih sisehla cu kan nih Laimi cun kan co ban lo nasa ding. Pathian ih zangfahnak ruangih Jesuh nei ngahtu kan si hi a man hlatuk. Zumtu unau!

“ Nang hi Bethlehem thar na si. Ziangahtile na sungah Manglian Fa a piang” Halelluiah!

2. Tûcangki (Joshua 6:4)

Israel pawlin Jericho an do lai ah leitlun ih khawpi maksak bik pakhat a si. Pî 4  sahin an dawlih Pî  12  a sâng. Cutluk khawpi hnget le khohkhah cimternak dingah Pathian in ki hmuahmuah lakih tawibik Tûcang ki a tum ter. Cule khawpi  cu a cim darh thluh. Ki sau pi pawl sûl lam nei lo ah an suak.
 Kan ram uktu pawlih an tih bikmi C pathum cu:
            1. Christian
             2.  Chin
            3.  C pû (natnak)

 Laimi pawlih thlacamnak in kan rampi hi Christian ramah a cang leh lai ding.

3. Zarefat Nuhmei (I Siang. 17:9-16)
       Pathian in kamsang Elijah cawmtu dingah Zarefat khua ih pacangṭha pawl hmang lo in farah ih sapbai ah nuhmei a hmang cu a va mak em! Pacangṭha pawl tong ding an va nei lo ding ve! Pathian hnaṭuan daan kaih ngah thiam a har.

 5. Nauhak Pate ih Sangper 5 le Ngate 2 (John 6:8-13)
      Oswald Sanders in,"Ka neih mi ka zoh le ka bei a dongih ka tha anau sualso ṭheu. Asinan Bawipa Jesuh lam ka hoi le ka tha a tlung saal ṭheu" a ti. Kan dinhmun, kan sinak,  kan neih zat le thiamnak kan zoh le Pathian hna kan ṭuan ngam dah lo ding. Zumnakin Bawipa kan zoh le kan raal a ṭha mai. Pathian hrangah maltuk, te tuk, santlai lotuk a um cuang lo. Zumnak kan tuahmi pohpoh thil ropi ah in pom sak ṭheu...Hallelujah.

Pathian hman lomi thil sunglawi an um lo. Pathian hman mi sunglawi lo an um lo.

Evan. S. Tha Nei Fai

Tahan

.............................

Hminsin: A sermon sunglawi zet in hlawmtu Saya Fai tlunah lungawinak nasa zet ka nei.