Innsang Thufim

Nupi pasal na neih hlanah cun kaupi’n meng aw la, na neih hnu ah cun a hrek lawng in na mit meng aw.           Benjamin Franklin.

Pasal ṭha in nupi ṭha a sersuak.      John Florio
 
Nupa hlawhtling si ding cun a kel thawn kan duhdawtawk sal ringring a ṭul tinak a si.  Mignon Mc Laughlin.

Pasalpawl hi meisa vek an si. Kil ṭhat lo len an alh hlio.               Zsa Zsa Gabor
 
Neihawknak kan ti mi hi kulh, ramdang ralkap pawl in lak tum ih an kulhbet thaw hin a bang aw ciah. A sungih um pawl in suah ah cak ih , a lengih umpawl in luh an cak ve thung.   Arabic Thufim

Ka pasal ih thu ruahdan pawl siatsuak ding in thil ka tuah dah hrimhrim lo.       Laura Bush
 
Pa in a nupi hrangah motor sangka a awnsak na hmuh tikah ruahbuai ding zianghman a um lo, a motor kha a tharte a si lo hmanah a nupi tal cu a thar tinak a si ding!         Anonymous
 
Nang mai bialtlang sung ah nupi ding va hawl aw.   Latin Thufim

Albert Einstein tei nupa neihawknak kum 50 campha an lawmnak ah khan “ Nupa kawpcawi hlawhthling zet nan si theinak san hi ziangruangah bik a si in na thei?” ti’n thu an sut.
Einstein cun hitin, “ Kan neihawk pekte ah khan thukam ka tuah ih, cumi cun tuini in thlen a si hi. Cui thukam kan tuahmi ah cun – thubawhcahnak tum le picang ah cun keiin thu ka bawtcat kei, a tum le thupi tuk lemlo lole a tenau ah cun kan nu in a pawtcat ding ti in. Cui thuthlung cu kum 50 lai kan kai hnget zo. Hi hi kan hlawhtlin sakbik khal a si ka zum….” rei lo te a ngui duak ih hitin a rawn ṭongsuak sal “ Mak zet mi pakhat cu kum 50 sung kan neihawk nakah ka canvo thubawhcahnak tum tuah ding hi pakhat hman tuahding ka co lo cu theh! tin a rawn tisal miau e! Thaibawi kan ti ding maw Thaibawi a si lo kan ti ding ti khal theihthiam a si ce lo.            C.H. ThangKhuma

Socrates cun tlangval pakhat hnenah hitin thurawn a pe. “ Nupi cu na nei ding a si hrimhrim . Nupi ṭha zet na neih len na lungawi zet ding ih, sual zet na neih a si khal len Philosopher ah na cang ding tinak a si mai a ti!           Socrates.

Pasal ṭha a neitu nupi cu a mithmai zoh in a theih theih.        Johnn W. Goethe
 
Winson Churchhill cu Prime ministry a si laiah khan an nupa nun hi a fuh zet si hmang, nupa zohṭhimtlak bik ih ruah an si. A upat tarzawng ah mi pakhat in hitin thu a sut. “ Na nun hi a hram ihsin thawksal ding si ta bang aw la, ziang si na cak bik?” . Anih cun hni phang cing in hitin, “ Pi Churchchill i pasal pahnihnak si hi ka cak bik ding “ tin a sawn.
Kan nupi/pasal/kawppi pawl hin kan thuhla ziangtin tak in rel ve kei maw?    Anonymous.

Ka pasal ka tawn ihsin ka nun a thar in a thawk.      Nancy Reagan
 
Na pasal a si ah cun duhdawt aw,
Nan neihawk hnuhnu cu a mah theifiang sin dingin zir aw la;
A nun a nguai cun hlimter aw la,
Pawrhtlak a si ah cun pawrh aw.
A thikthu a siattuk a silen thawi dam tengteng aw la,
Na hrang a rinum zet a silen na upat zia lang ter aw;
A thin a heng tikah ṭonglo in ngui cuh hramhram tum aw la,
Thu hrekkhat thuh mi a nei ti na theih hmanah amah kha zum hnget mai aw.
Duhdawtnak thawi na fawh a phu a si ah cun fawp ngam aw.
A tirh a siangzet a si ah cun na uar ti langter aw la,
A ṭongtam tuk a si hmanah thinsauten ngaithla aw;
A dinhmun ziangvek a si khalah na theithiam ti kha  ruatsuak ter thiam aw la,
Amah na thunun ti lawngte cu a theisuak ding a si hrimhrim lo.
                                                                            Anonymous.