Kan Piangthar Taktak Maw Taktaklo Ti Ziangtin Kan Theithei Ding?

Mitampi in leitlun dam lai ah ka pianthar rori [or] Rundamnak ka co rori ti hi a cang thei lo an ti. Asinan, kan Bible cun damlai roriih theih feng ding ah in zirh. Ziangtin kan thei thei....?

1. A Sual theilomi Pathian thutak hmangin

 Bible in Pathian fapa zumtu{nei tu}cun amah ah theihawknak a nei a ti{1John:10-11}.Cui theihawknak cu phundang pi khi si loin..."kumkhaw nunnak kan nei ti nan theih awknak ding ah nan nih Pathian fapa zumtu pawl hnen ah hi ca hi ka ngan a si"{1John.5:13}ati. Curuangah Pathian in a thutak sualtheilo le siattheidahlo mi hmangin in theih ter a si{John.8:32,1pet.1:23-25}.

2.Thlarau Thianghlim in kan sungah tetti a khan.

"Pathian Thlarau le kan thlarau cu a tawng aw ih Pathian fa kan si kha in theihter a si"{Rom.8:16}...Pathian thu cu Thlarau Thianghlim in a hmangih kan sunglam ah fiang zet in in theihter a si.{1John.5:7-8,9}.

3.Hnangamnak sunglawi kan nei.

Rundamnak kan co ih danglam zet nak cu leitlun ih pek mi silo hnangamnak ..ka thih khal len Vanram ka ta, Pathian hnenah ka thleng tengteng ding timi hnangamnak kan nei. Hi hi a zumtu hnen lawng ih Zisu'i pek mi a si{John.14:27,2Thes.2:16,Lk.2:25-31}.

4.Lungawinak Maksak kan nei.

Sâm cangantu cu, "Rawl le sabitti neitu pawl ih an lungawinak hnak ih nasa sawn lungawi nak i pe"{Ps.4:7}tiah a ti...Zisu ka nei taktak or ka pianthar taktak a si ti kan theih leh nak cu kâ ih sim theilomi vanlam lungawinak kan nei{1Pet.1:8}.Unau nang leitlun ih pek thei lo mi hnangamnak le lungawinak cu na nei ngah zo maw?

5.Mihlo duhdawtnak kan nei.

Rundamnak kan vun co ve te in kan unau..rualpi or mihlo ral ding kan hmuh tikah kan thinlung sungah duhdawtnak le zângfahnak a um..Hihi kan pianpi ih neih mi a si lo Khrih duhdawtnak kan sung ih um mi ruangah a si.{Rom.5:5,2Kor.5:16,Rom.9:2-3,10:1-4,Jer.9:1-3}.Amah lawng te hi mihlo duhdawtnak hi tisa zet ih kan nun ah cun a hlo vivo thei{Thup.2:4}.Asinan, mi a pianthar pek talah cun a nei tengteng ding a si.

6.Sual huatnak kan nei.

Mi pakhat a pianthar cun sualsungah a nuam aw thei nawn lo. Sual a tuahthei nawn lo si lo in sualsung ih nuam aw theinawn lo mi sinak a nei a si.{1John.3:8-9}.Mi piangthar cun amah ah Pathian thinlung put a um zo ruangah sual huatnak nun a nei a si{Thufim.8:13}.

7.Thlarau lam thil hal tharnak( cakhiartharnak) a nei.

Tuihlan ih ziang a siar lo mi Pathian thu duhnak thar le halnakthar a nei thlang asi.{1Pet.2:2-3}. Bible siar thaw tinak le thlacam nuam tinak, khawmawk le Pathian thangṭhat pawl duhnak thar a nei ṭheu asi.{Heb.10:25}.

8.Sual a tuah tikah nunsimnak a tawng.

 Zumtu in thil sual atuahtikah Pathian in nun a sim ṭheu.Pathian in a fa le a hremdahlo nun lawng a sim ṭheu.Nun sim ti mi cu duhdawtnak ruang ih irhsuak mi a si.{Heb.12:5-12}. Piangthar ti aw mi pakhat sualtuah ih nuam huahho thotho Pathian nunsimnak khal tawng cuang lo mi cu rundamnak a hlo silo in hlo dingmi rundamnak khal a nei taktak lo sawn a si.

Hi a tlun ih kan ngan mi pawl kan nun ih a um a si
ah cun rundam fate or Pathian fate ka si ti kan theihawknak asi.

Pathian in kan mit in tivang hramseh.

Evan.David Ceu{Saya Ceute}
Tahan

-----------------------

Hminsin: Sermon ṭha tak in hlawmtu Saya David Ceute hnenah ka lungawi ngaingai ti ka tarlang duh.