 |
ha a si? Tampi rel ding a um ko ding nan hinah thil paruk in sim ka
duh.
1.Hngalnak{Pride}.
Hngalnak hi Pathian mi ṭhaṭha siatsuah ṭheu tu sual asi. Bible in mi hngal pawl cu Bawipa'n a dodal asi a ti.{Jam.4:6,1Pet.5:5}. Lucifer khal hngalnak ruangah van in a tla ti kan hmu.{1Tim.3:6-7}. "Hngalnak cu siatnak hmaiah a feh ih,titerawknak cu tluknak hmai ah"{Pro.16:18}.Nebukhanezar khal uarawknak lole hngalnak ruangah a dinhmun in a tla.{Dan.4:30-35}. Hngalnak hi ral tihnung mi siatsuah thei tu a si.
2. Lar duhtuknak{Popularity}.
Lar hrimhrim hi a sualnak cu a um hranlo ding. Asinan lar duhtuk ruang ih silo pi sivek ih rel,a sinak hnak ih tum le tam ih rel ti vek hi kan nun siatsuah thei tu sual a si. Leitlun ih Minta le Mintami{Actors & Actress} pawl cun pakhatnak ah larnak ding an ret. Kannih Pathian fale pathian mi pawl cu ziang kan tuahnak kipah pakhatnak ah Pathian sunlawinak le Amah lungawi ter ding hi a si sawn.{1Kor.10:31,2Kor.5:9}.Pathian cun kan report awknak vek silo in kan sidan vek in thu in ṭhen ding.
3.Nunau/mipatnak{Sex}
Samson, David le Solomon pawl khal hi hin a siatsuah hai. "Pathian duhzawng nun thianghlimnak cu nu le pa sual tuah bansan hi asi"{1Thes.4:3,7}. Pathian mi tampi siatsuahnak dingah Setan in a hmang ṭheu.
4.Sumpai duhtuknak{The Love of Money}.
Sumpai hi leitlun kan um laiah cun kan ṭul ko. Kan duh ko. Sumpai neih khal a sualnak a um lo. Asinan, mihrekkhat cu sumpai kan nei siloin a sumpai sawn in in nei ih a salah in tuah. Sumpai ngahnak ding a si ahcun thuphan tawm per khal poi ti lo tivek hi kan nun siatsuah tu ding sual asi.,.."Sumpai duhtuk nak cu sual hrampi a si"{1Tim.6:9-10,}..."Pathian le sumpai rawng nan bawl tlang theilo ding"{Matt.6:24}.
5.Zangzelnak{Laziness}.
"Mi zangzel cu a thlah tu'i hrangah cun Ha hrang ih theithur vek le mit hrang ih mei khu vek an
si"{Thufim.10:26.6:6-9,26:14,19:15}. Pathian cu a itthat dahlo mi asiruangah a itthat ringring mi{A zangzel}tuk mi thawn hna an ṭuan tlang theilo. Pathian mi hrangah cun zangzel hi sual rapthlak pakhat a si ve.
6.Rittheih til{Drug/alcoholic}
Pathian mi cu zuk le hmawm tiang khal ah a thiarfihlimawk a ṭul. Ritheih thil hrimhrim ah mi in thusuhnak kan nunah an neih ding a si lo. Rittheih thil ruangah siangpahrang tampi
le miropi tampi in an lalram le sinak tiang an sun phah a si.
Siartu zate Pathian in mal in sawm hramseh.
Evan. David Ceu
Tahan
------------------
Hminsin: A sermon ropi zet in hlawmtu Saya David Ceute hnenah ka lungawinak ka tarlang.
No comments:
Post a Comment