Kan Sinak Diktak

Mi tampi cu mai sinak kan theifeng lo ruangah mai sinnak lo vekih nung le khawsa kan tampi.  Mai sinak theihfeng ti mi hi thil thupibik pakhat lakih a telve mi  a si. Pathian thawi kan pehzomawknak, zumtu midang thawi kan pehzomawknak le kan ralpa- Satan donak ah kan sinak theihfeng hi a thupi tuk. Hitawk a hnuaiah tawi tete in Khrih ah kan Sinnak Diktak pawl kan zoh tlang pei.

1         Thiamcoter ( sualnak nei lo ti ih phuansuah) mi kan si (Rom. 3: 24).

2         Thiamlocoter nak hrimhrim kan parah a um nawn lo ( Rom. 8:1).

3         Thihnak dan le sualnak dan ihsin zalenter/luatter kan si (Rom.8:2)

4         Thianhlimter le Khrih cohlan tlakih tuahṭhat mi kan si ( I Kor. 1:2)

5         Khrih ah cun mifel le thianghlim kan si (I Kor. 1:30).

6         Thawhsalnakah nunter kan si leh ding (I Kor.15:22).

7         Sersiam thar minung kan si (2 Kor. 5:17).

8         Pathian ih dingfelnak cotu kan si ( 2 Kor. 5:21).

9         Khrihah cun zumtu dang pawl thawn pumkhat kan si (Gal. 3:28).

10     Khrih ah cun thlarau lam malsawmnak phunkim thawi vur kan si (Eph. 1:3).

11     Mithianghlim, sawihnawm ding umlo le Pathian duhdawtnak thawi khuh mi kan si ( Eph. 1:4).

12     Pathian fa, a rocotu ih pawm kan si ( Eph. 1:5,6).

13     Kan sualnak pawl cu lakhloh ih um in, ngaidamnak famkim Khrih ah kan co ( Eph. 1:7)

14     Khrih ih uknak hnuaiah hruailuh kan si ding ( Eph. 1:10,11).

15     Pathian fa sinak Thlarau Thianghlim ih hminsinnak kan nei (Eph. 1:13).

16     Ropitnak thawn Khrih thawi um tlang dingih kaihthawh mi kan si (Eph. 2:6).

17     Pathian kutsuak le sersiammi kan si ( Eph. 2:10)

18     Pathian kiangah amah naihte ih hruaithlen kan si ( Eph. 2:13).

19      Khrih thawn Pathian thutiamkam kan ṭawm aw ( Eph. 3:6).

20     Pathian hmaiah zalen zet le ralṭha zetin kan feh thei ( Eph. 5:29,30).

21     Khrihah cun famkimnak pek kan si (Col. 2:10).

22     Kan tisa sual mizia ihsin zalen ter kan si (Col. 2:11).

23     Sanmureng daih ropitnak kan co ding ( 2 Tim. 2:10)

A tlunih “ Khirh ah Kan Sinak Diktak” pawl kan hmuh mi le kan nundan a mil aw maw? Pathian fa si cing in kan dinhmun ṭhatzia le sinak ropi zet theihhngilh ih beidawng le nuncau ih um teh kan um maw? Lole kan sinak fiang lo ruangah hngalhnawng ih thlahdah zet le diklo takih nungteh ka um maw?  Nang zumtu Pathian fapa/fanu, tho in ding aw la, Bawipa’i tuahter a lo duhmi thlir in hmai nawr sinsin aw.

Pathian in siartu kan zaten thlawsuahnak in peksak hram seh.