Wednesday, July 27, 2011

Rawngbawltu'i Hrang Thufim Tawi


1."Pathian hnaṭuantu hi phunthum in ṭhentheih asi{a}.Sakhaw rawngbawltu{Religious worker},{b}..Pathian hnaṭuantu asinan pathian thawi ṭuan tlang lo mi le{c}..Pathian thawi hna a ṭuan tlang mi ti in..,Paul in kannih cu pathian thawi hna a ṭuan tlang mi{we are labourer with God}kan si a ti"{1Kor.3:9,2Kor.6:1}.

2."Pathian hna cu Amai duhdan ih kan ṭuan lawng ah a lung a awi, mai duh dan men ih ṭuan a ngah lo".

3."Pathian in hnaṭuan in fial tikah kan pianpi caknak le fimnak men{Amah tel lo khal}ih kan ṭuan thei ding mi hna in fial lo,cu lo sehla Amah rinsan a ṭul lo ding, Amah thaw lawng ih kan ṭuansuak thei ding mi hna in fial sawn asi"{John.15:5}.

4."Kan Pathian cu a ihthat dahlo ruang ah mi ihthat paih tuk{mi ze tuk}thawn hna an ṭuan tlang thei lo"{Jer.48:10}.

5."Pathian in Amah thawi pawl aw man lo ding tiang ih a rawngbawl in siang lo, Amah Pathian taktak hnak in a hnaṭuan buaipi pang a ol te"{e.g Martha..Lk.10:41-42}.

6."Khritian tlan zuamawknak cu ziangtluk cak in a tlan thei ti hnak in a tawp tiang a tlan suak maw ti hi a thupi sawn"1Kor.9:24-27,Phi.3:12--13}.

7."Pathian hna ka ṭuan ti le Pathian in keimah hmang in a hna a ṭuan ti hi thilbang aw a si lo"{Dungthlun.14:27}.

8."Pathian in a hna ka ṭuan nak ah lar ter si lo in a hman tlak si ter i duh sawn"{2Tim.2:19-22}.

Siartu zate thlawsuah Pathian in lo pe seh.

Evan.David Ceu
Tahan

 .......................
Hminsin: A thufim hmuhsuahmi siangzetih in hlawmtu Saya David Ceute hnenah lungawinak ka nei.

No comments:

Post a Comment

ZIANGRUANGAH JESUH LEITLUN AH A RUNG TUM?

Preached on 21, Dec, 2016                   By Rev. Henry vl Hmangaih Tu zan ah kan lak ih pakhat khat hi interview lo tuah sehla zia...