Ziangruangah A Si Ding?

Laitlang khawteberek ih fala note le tangdawr zetmi hnen ihsin a piang ih cutin laitlang khawte ah a pitling. Kum 30 a kim tiang thingkuang tuahtu’i hnenah hna a  ṭuan ih, cumi hnu kum 3 sung cu mi callang pawl huatzawng zet a si mi thusim in a vak kual. Cabu a ngan dah lo ih  zung khal a nei lo; Inn a nei lo ih innsang fanau khal a nei fawn lo. 

College hrimhrim tla cu vawikhat te khal a pal lo , a pitlinnak khua ihsin km 200 hnakih hla a tlawng dah fawn lo. Cun, larnak le ropitnak ding thil zianghman a tuah dah fawn lo.  Palai ropi zet a si thu theihpitu dang a nei hran lo ih kumkhaw daih minung umsun si hmansehla leitlun thil ah tuah ding ziang hman seherh a nei lo. 

Tlangval satliah si hmansela mipi duhdan in amah a dodal ih, amah huatu pawl ih kutah kaih tuar in pek a si.  Diklo zetih thu ṭhen sak in a um i, misual kar lak ah ngel cel Kross parah an khengbet.  A thih laiah, leitlun thil a neihsun, a hnipuan cuh aw in amah khengbettu pawl in camcawhfung an zuk.  A thih hnuah Kross par ihsin a ruak an la thla ih, duhdawttu rualpi malte a neih ve tikah a ruang phumnak dingah thlan lawng an sansak. Sihmansehla, ni thumnakah cun thihnak neh in a thosal!

Kum zabi 20 kul a liam ruangro zo! Sihmansehla tutiang minung thinlung sung luahtu bik ,  ṭhansohnak hmuahhmuah  ṭhumawknak hrampi a si.

Ralkap bûrpipi , Lawng ralkap ropi taktak le, Ram hruaitupawl tawng aw khawm hmuahhmuah le uktu pawl, lei lal pawlih ropitnak hmuahhmuah khal finkhawm tluh hman nungla hi mi pakhat hi an tluk ban dah lo. Ziangruangah a si ding? ‘ Pathian fapa a si ih, Rundamtu, thihnak neh ih thosal kha  a rak si si!’

Phillips Brooks