Philipines ih Bible Tlawngkai duh hrang theih tha

        Philipines ih tlawngkai a rilruktu pawl hrangah thuhla malte ka lo hlawm. Atufangah hin ziang e hmang hi minung 15 kuamkam Philipines ah kan um.  Kan zate in Bible tlawng kai deuh hlir kan si.

       Cule Phiipines ah hin tlawngtha zetzet secular le Bible lam an tam zet.  Cumi ah further study a kai duh hrangah cun pan tlak zet lai a si ve in ka duhsak aw zet fawn. Bible tlawng manila khawsung ih a ummi malte hi lam ih tlawng ra kai duhtu hrangah ka rawn lo hlawm ding. ATA lole ATESEA pawmpi mi tlawng an si.

        AGST: Asian Graduate School of Theology ti mi hi Philipines ih evangelical tlawng ah cun a larbik pawl lakih tel ve mi a si. Academic khal ah an tawk in ram sung le ram leng ihsin a kai Doctor of Ministry, Doctor of Eductation , le Doctor of Philosophy pawl an nei hnuaihni. Toefl awng hrangah tuition fee dil theih a si. Tlawng in hostel an nei hrih lo ih curuangah mahte in a leng ah in san a tul.

       Hi tlawng AGST timi ah hin tlawng pa 8  : ATS, IGST, AGS, APNTS, A PTS,  PTS,  BSOP, ASCM pawl hi an funkhawm aw ih cutin Manila khawsung le a kiangkap ah an um.

       Hi pawl tlawng lakah Asian Theological Seminary (ATS) ah hin Kawlram mi minung  pa riat tufangah  kan kai rero. Chin (Falam)- 4, Hakha-2, Tidim- 1, Kachin 1. ATS ah hin toefl - 500 ngah cin hrangah tlawng a kai theih. Cule, scholarship a um ih, semester luh thawk ihsin tuikum ihsin tlawng tuition fee le scholarship allowance hrangah  dil a theih cih.  Hi tlawng khal hi Philipines evangelical tlawng ah cun theih lar le an duhbik mi pakhat lakih telve mi a si. Academic le Exegesis lam ah an hming thang deuh. Tlawngah hostel an neih lo ruangah mahte inn a lengah san a tul. Course pawl hi: M.Div in Pastoral Studies, Biblical studies, theology, Chrsitian Education, Inter-cultural Urban Studies  le Counseling pawl an nei. Course hi M.Div a si len kum thum a si ih M.A a si len kumhnih ih theh theih dingih tuah a si. Saya pawl an fit in an thiam zet zet. Ramdang dang ihsin tlawngta a tufangah 30 hrawng kan um.

        Apahnihnakah : International Graduate School of Leadership (IGSL). Hi tlawng hi a hlanah cun ISOT tin kawh a si. Hi tlawng hi  leadership le practical ministry ah philipines ih tlawng lakah theih a hlawh zet. Kumkhat ah semester thum an nei.  Hostel tumtak an nei ih cutin innsang nei pawl cu innsang ih kai theinak can tha zet an ngah. Cule, tlawngta pawl khal scholarship an nei ve. Kawlram ihsin minung 4 an kai ih an zanten Mizo tawng hmang an si in ka thei. Ka tisual pang mai thei. Hi tlawng khal hi pitlinnak hrangah a tha zet.

         Apathumnakah, Asia-Pacific-Nazarene Theological Seminary (APNTS). Hi tlawng hi Philipines ih kan chin mi kai tamnak bik a si. Atufangah hin tlawngta kawlram mi minung 15 hrawng an kai. Atambik hi Mizo tawng hmang an bang. A tawizawng in kan sim asilen hi tlawng hi Nazarene tlawng a si. Nun thianghlimnak lam an uar zet. Cun, hi tlawngah hin tlawng dang hnakin a tu fangah hin tlawngta theihthiamnak an nei thuk zet in a lang. Cun, kan kawlram mi pawl tla mithmai tha an co zet. Toelf 500 awng lo pang khal sela, tlawnginn ah hostel an neih ih cutawk ah camibuai awn hlan sung man tlawngta cia vekin pe in um a theih. Cule, exam awn tik tikah subject credit in lak thei a si. Cun, hi tlawngah hin computer basic skill tla an zirh aw ih kan unau a kai pawl tla an hlawkpi zet.  Nan, hi tlawngah cun couse major  an then lo. M.Div course ti tawp a si deuh. Toefl mark kha M.Div hnakin M.A ah hi tlawngah cun a sang deuh.

         Apalinakah: Asian Graduate School (AGS). Hi tlawng khal hi tuhlanah phei cun a hming a lar zet. Kawlram mi pawl rak kainak hmunpi pakhat a si ve. Amahlawng te cu tufang ah hin tlawngta kawlram ihsin kai an mal deuh. Kan Chin mi lakih sin mi pahnih a tu fangah an kai. Chin (Falam) -1, Tidim-1 an si.  Hi tlawng khal hi tuhlanah cun counseling ah a rak lar zet. Cun, an library a tha in zirhtu saya khal an qualified zetzet hai. Amah lawngte, tlawng dang vekin hi tlawng khal hin Hostel an nei lo ih a lengah inn san a tul. Cun, tuition fee khal hi tu fangah hin an nei ciah lo hmang.

          Apanganakah: Asian Seminary for Christian ministry (ASCM). Hi tlawng hi tu hlanah phei cun a hming a lar zet. Facilities pawl an nei tha in an inn le umnak hmun hi Philipines ih hmunpi le lailitnak bik a si. Cule, a tufang ah hin Kawlram mi pakhat te lawng a kai. Vanduai in rak tawnsantu David Thang ( Rev. Dr. Paul Dar Nei Sum) ih fapa kainak kha a si. Hi tlawng ah hin tlawng dangih kan neih lo mi Music course zir thei a si. Cun, academic lam khalah hi tlawng ih expectation hi a sang zet. Nan, tution fee lole schorlarship hi an nei lo hmang a tu fangah cun. Kai thei hrangah kainak tlak zet a si.

          Aparuknakah, Presbytherian Theological Seminary ( PTS). Hi tlawng hi Presbyterian tlawng a si ih tu naiah an tuai thar aw zet. Tlawng sikan an chiat nasa ih kawlram ih B.th kai vek deuh kha  asi  hmang. Lole India ih Bible tlawng hrekkhat morning devotion vek kha si hmang. Cun, hi tlawngah hin kan Chinmi pa 4 hrawng an kai. Hakha -2, Mara-1,, Mindat-1. Cun, hi tlawng hi Kavite timi manila khawpi sungih si a hlatnak peng 10 hrawngah a um ih khawsung ih cimbuai ban lo in fal zet le thawveng zetin, hostel thawn an um thep thep.  Amahlawngte cu tution fee le scholarship an nei lo. Cule, an nih kha ministry an uar zet ih zarhtin te ministry tlawngta pawl in a leng ah an nei theu ih sersuah awknak hrangah a thahnem zet ding.

          Apasarihnak, Biblical Semininary of the Philipines ( BSOP). Hi tlawng hi cu Th. M le Doctor pawl lawng kai a theih. AGST tlawng pawl thawi zawm aw mi an si. B.Th an nei nan cupawl cu Tuluk tlawng a si ih anmah tla mirang an thiam lem lo. Asinan, Th.M le Doctor buaih AGST ih a kai tu ahleice in Biblical Studies (OT le NT) tuah rero hrangah hi hostel hi siang zetin an awn.  Tuluk rawl zing zan ih ei le in a si ih taksa in a ngaih duh zet ti ah a kaitu kan rualpi in in sim.  Atufang ah hin kan farnu pakhat Sayamah a kai rero ih a nih tla ni khat hnu ni khat a mawi deuh deuh.. Hi tlawngah hin a kaipawl cu an nuam zet.

         Apariatnak, Asia Pacific Theological Seminary (APTS). Hi tlawng hi Baguo timi Manila ihsin nahzi paruk bus thawi fehnak hmun ah a um. Hi tawk tlawng cu chin land vek a si. Hmun a dai nuam in ni khaw sat lai can ah cun milian pawl ih cawlhhahdamnak hmun a si. Cule hi tlawng ah hin kawlram mi pa 4 hrawng an um ih cule hi tlawngah hin Th. M tiang a um. Hi tlawng hi kumkhat ah semester pathum an nei ih zirnak lamah a tha zet ti ih theih mi tlawng a si.  An tlawng ih Th. M hi ATESEA tlawng ih recognise mi a si.

Zohpehzawm duh hrangah: http://agstphil.org/