2. Tik le cu can cu a tu le tu a danglam ṭheu nan Bawipa cu a damlam ve dah lo kumkhaw Pathian , rinsantlak a si.
3. Milai cu kan rinum lo ṭheu nan Bawipa cu a thukam mi parah a rinum ringring.
4. Ṭahnak le ninghannak kan parah thleng ṭheu hmansehla, Bawipa kan naih thiam a si ah cun ṭahnak le tuarnak hmun hi thlarau lam thuthup Bwwipa'n a fale in zirh can ṭhabik a si.
5. Hlawhtlinnak cu hmakhat ten ra thleng lo hmansehla beidawn hna a thiam lo ih zuam ṭenṭo tu cun hlawhtlinnak an co sal cîngcîng.
6. Ziangtluk in kan harsatnak le buainak sah khalsela Bawipa thawi kan sutkian thei lo mi pakhat hman a um lo.
7. Midang in ziang in tuahsak ding ti ruat lo in midang hrangah ziang ka tuahsak ding ti mi lungput neih cu lungawinak hram pakhat a si.
8. Mi ih relsiat le halhsik tlak ih na um tikah Pathian hnenah lungawithu sim in na nun zohfiang aw aw ziangahtile mi ih lo ngaihsak ding ih lo tuahtu kha Pathian a si.
9. Mi relsiatnak le huatnak ah na can hmangral hrimhrim hlah an mai siatnak si loin nangmah sawn a lo siatsuahtu thilpawl an si.
10. Na nu le Pa a lo hringtu cu upat, sunlawih aw ziangah tilen anmah um lo sela tui na dinhmun na thleng dah lo ding pi.
11. Pathian in a lo pek mi ate bik ih sin a tumbik tiang siar in lungawi zir aw cucu thlawsuah co vivo nak hrampi a si.
12. Bawipa a duhdawttu cu Bawipa khalin a duhdawt ve.
13. Sunglawinak, ropitnak le upatnak hmuahhmuah hi kan ta a si lo , Bawipa'i ta a si ih amah pek ding kha hngilh hram hlah!.
No comments:
Post a Comment